نوی پاپ او له جرمني سره د واتیکان د کلیسا د درز ژورتیا

ایکنا – په جرمني کې د ډيرو له نظره، واتیکان  د اروپا په ټولنیزو بدلونونو باندې قصدا په سترګو پټولو  سره ، ځان څنډې ته کوي، هغه کلیسا چې  یوه وخت د جرمنی دکلتور په زړه کې ئې ځاي درلود، اوس  په یوه بې خاصیّته پرَدي اورګان بدله شوې ده چې هره ورځ دخلکو په ژوند کې  لاکم رول لوبوي.

ایکنانیوز-  د نړیوالو چارو یو کارپوه عابد اکبری ایکنانیوز ته ؛ له جرمني سره د واتیکان د درز د ژورتیا او د نوي په پاپ په عنوان سره ، دیوه مطلب په لیږلو سره  لیکلي ديد پاپ فرانسیس په مړینې سره  او د کاتولیک کلیسا د نوي رهبر  د ټاکلو د بهیر په پیلیدا سره، اروپا  یوې نوي تاؤتریخجنې مرحلې ته داخله شوې ده. جرمني ، د اروپا د یوه پخواني ترټولو مهم کاتولیک   هیواد په توګه، دغه بهیر ته په یوه ساړه نظر  او نیوکونکي انداز سره ګوري.  دن وي پاپ ټاکل کیدا ،  ددې په ځاي چې د سستو  شوو پیوندونو د احیاء لپاره  یو فرصت شي، د یوه  درز دژورتیا سبب شوي چې کلونه کیږي، د واتیکان او جرمني ټولنې ترمینځ ئې بڼه غوره کړې ده.

په جرمني کې ، د ؛سینوډال لارې؛ په څير غورځنګونه ښئ چې د جرمني  کاتولیک ټولنې غوښتې  د واتیکان له دودیزو دریځونو سره تر فرسنګو پورې واټن  اخستی  دی . د میرمنو د پادري کیدا ،  او د کلیسا د ځينو چلندي زده کړو کې د بنیادی اصلاحاتو په څير غوښتې .  دهغه پاپ ټاکل کیدا چې دغه بدلونونه ونه مني، د جرمني د شخصیّتونو له نظره ،د یوه نه انکاریدونکي ماډرنې څپې په وړاندې د واتیکان د یوازې ځِل  په معنا ګڼل کیږي.

د جرمني په رسندوئي او پوهنتوني محفلونو کې غبرګونونه  دهغه واقعیّت ښودنه کوي، چې نور  ورڅخه انکار نشي کیدلی؛ په دغه هیواد کې کاتولیک کلیسا د خپل رواوالي ترټولو وروستي سنګرونه  د له لاسه ورکولو په حال کې دي . د  کلیسا څخه ډله ایز خپګانونه چې په وروستیو کلونو کې لازیات شوي دي، په دغه محافظه کارې ټاکنې سره  به لازیات نوره هم چټک شي. 

په دغه شان شرائطو کې  د د نوی پاپ انتخاب ، ددې په ځای چې  د سنت او راتلونکي ترمینځ یو پل جوړ کړي،  په عمل کې ئې د واتیکان او جرمني ترمینځ  یو لا لوړ دیوال جوړ کړی چط نور  د شخصي آزادۍ ، جنسیتي عدالت او د انساني حقوقو د ساتنې لپاره  کلیسا ته نور ضرورت نه  ویني.

په دغه مقاله کې لیکل شوي دي  سینو ډال  لاره  د جرمني په کاتولیک کلیسا کې یو اصلاحي غورځنګ  دی چې  په ۲۰۱۹ کال کې پيل شوی دی. دغه حرکت د کلیسا د تعلیماتو او جوړښتونو د اصلاح په موخې سره په تیره د میرمنو د حقوقو  او د غیر روحاني کسانو د ګډون په زمینو  د اصلاح په موخې  فعالیت کوي.  موخه ئې  په جرمني  کې د کلیسا  درواوالي بحران او  د ورځې له ټولنیزو بدلونو سره ملګرتیا او ملتیا  ته ځواب دی.

https://iqna.ir/fa/news/4279455